Les mots surlignés font l'objet d'une note
1Monseigneur, par ses pourteurs avons receu la lettre quil vous a pleu
2nous escripre et par icelle veu comme le cappitaine Marchier vous
3a donné à entendre que soumes reffuzans à luy payer cinquante
4livres quest la contribution avés ordonné luy payons pour chesque
5moys, ce que soubz correction navons jamais reffuzé, ayant seu
6votre volunté, combien que y nous soit grand charge, veu le pouvreté
7du present lieu et charges à despencer, souffrons pour faire
8la garde de notre ville ; et ains suyvant ce quil nous avoit mandé
9du vingt seysiesme janvier dernier pource que navons argent
10luy mandasmes deux de la ville avec procuration pour lun
11passer obligation des arreyrages luy debvions, nayant peu
12entierement payer ladite contribution comme vous pourront
13plus amplement informer sesdits pourteurs et celluy que vous
14envoyons pour mieulx entendre votre volunté ; ausquelz avons
15monstré la lettre dudit Merchier et procuration suyvant icelle
16faicte pour accorder avec luy et luy en passer obligation,
17lequel treuvarent audit Sainct Pol. Nous sommes
18tousjours attentifz à faire bonne garde quelle trève quil
19y aye, de sorte quesperons maintenir tousjours nostre
20ville soubz lobeissance de sa magesté et votre, aydant
21le Createur, lequel supplions vous donner
22monsegneur, en parfaicte santé, très heureuse et longue
23vie. De Tullete, ce Ve febvrier 1574.
24Vos très humbles et obeissans
25serviteurs
26Les consulz de Tullete